Sot në Ndërmarrjen Trepça për vizitë ishte kryetari i Odës Ekonomike të Kosovës, Safet Gërxhaliu me bashkëpuntorë, të cilët u priten nga menaxhmenti i Ndërmarrjes Trepça.
Menaxheri i Ndërmarrjes Trepça, Ahmet Tmava e njoftoi Gërxhaliun për punën, angazhimin dhe të arriturat e Ndërmarrjes Trepça, si dhe me sfidat që ballafaqohen.
Kryetari i Odës Ekonomike të Kosovës Safet Gërxhaliu tregoi interesimin dhe gatishmërinë për të ndihmuar shënimin e epokës së re zhvillimore të këtij aseti nacional.
“Menaxhmeti i Ndërmarrjes Trepça edhe përfaqësuesit e Odës Ekonomike të Kosovës, u pajtuan se është emergjente zbatimi i ligjit për Trepcën, duke zgjedhur Bordin Mbikëqyrës, Bordin Menaxhues dhe duke regjistruar Ndërmarrjen sipas ligjit për Trepçën”, thuhet në komunikatën e lëshuar nga gjiganti metalurgjik Trepça.
