Kryetari i Kuvendit, Kadri Veseli është takuar sot me delegacionin nga Fondi Monetar Ndërkombëtar, të cilët kanë diskutuar për stabilitetin makro-fiskal të Kosovës dhe për Buxhetin e vitit 2019.
Sipas Veselit, ky buxhet është real, i balancuar dhe i fokusuar kryesisht në investime kapitale dhe në zhvillim të vendit.
“Kosova vazhdon të jetë i vetmi vend në Ballkan që ka një borxh publik shumë të ulët, me një rritje ekonomike stabile dhe me një planifikim buxhetor i cili siguron stabilitet për institucionet publike dhe stimulon sektorin privat. Viti i ardhshëm do të jetë vit i zhvillimit të qëndrueshëm ekonomik, i shumë projekteve të mëdha në të mirë të qytetarëve dhe i hapjes së vendeve të reja të punës në sektorin privat ka shkruar ai në Facebook.