Zëdhënësi i Doganës së Kosovës, Adriatik Stavileci, thotë se taksa po zbatohet.
Taksa prej 100 për qind për produktet e Serbisë po zbatohet.
Këtë e ka konfirmuar zëdhënësi i Doganës së Kosovës, Adriatik Stavileci.
Por sipas tij jo të gjithë kamionët me produkte serbe u futën të enjten në Kosovë.
Pavarësisht kësaj, sipas Stavilecit Kosova mund t’ia dalë edhe pa produkte serbe.
Të mërkurën, Qeveria e Kosovës me shumicë votash ka votuar që taksa për produktet e Serbisë të ngrihet nga 10 në 100 për qind.
