Zyrtarët britanikë njoftuan sot se kanë arrestuar nëntë emigrantë në një plazh në juglindje të Anglisë pas kalimit të kanalit La Mansh me një gomone.
Ministria e Brendshme tha se bëhet fjalë për pesë burra, një grua, dy djem dhe një vajzë.
Ata u kapën nga një anije lokale e shpëtimit në zonën bregdetare angleze të Kentit.
Menaxher Met Kritenden tha se gomonia kishte një fuqi shumë të ulët të motorit prej 10 kuaj-fuqi.
Një operacion tjetër shpëtimi është në zhvillim pasi tetë vetë u panë në një gomone pranë bregut tjetër anglez.
Përpjekja më e fundit për të hyrë në Angli vjen pasi të paktën 43 emigrantë u përpoqën të kalonin kanalin La Mansh gjatë Krishtlindjes.