Turqia arreston disa militantë të dyshuar të Shtetit Islamik - Bota Sot
Turqia arreston disa militantë të dyshuar të Shtetit Islamik

Evropë

Turqia arreston disa militantë të dyshuar të Shtetit Islamik

Më: 2 janar 2019 Në ora: 16:42
Turqi - foto arkivi

Agjencia shtetërore e lajmeve në Turqi raportoi të mërkurën se policia atje ka arrestuar 12 militantë të dyshuar të grupit Shteti Islamik, përfshirë dy gra që kërkohen nga Franca.

Sipas agjencisë Anadolu, të dyshuarit janë arrestuar gjatë bastisjeve të policisë në provincën Bursa, këtë javë.

Grupi i të arrestuarve përfshin shtetas të Francës me prejardhje nga Siria dhe Algjeria, të cilët janë vendosur në Bursa pasi dyshohet se kanë kryer "akte" në emër të Shtetit Islamik në Siri, raportoi Anadolu.

Sipas burimit të njëjtë, pesë nga të dyshuarit do të dëbohen.

Policia turke ka arrestuar dhjetëra ndjekës të dyshuar të Shtetit Islamik në ditët e fundit të dhjetorit.

Shteti Islamik e ka marrë përgjegjësinë për sulmin në një klub nate në Stamboll, më 1 janar të vitit 2017.

Në këtë sulm kanë mbetur të vrarë 39 vetë, shumica e tyre turistë të huaj.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...