Ish-diplomati dhe drejtori i qendrës analitike britanike "Evropa e Re", Timothy Les thotë se Republika Serbe do të ndahet nga Bosnja dhe Hercegovina, kryesisht për shkak se serbët në BeH janë jashtëzakonisht të pakënaqur me jetën e tyre të përbashkët.
"Ata mendojnë se siguria e tyre rrezikohet nga politikat e Sarajevës dhe janë të lënduar thellë nga vendimet e imponuara, veçanërisht gjatë administrimit të Paddy Ashdown, e cila i ka ndarë më tej ata nga BeH", tha Les në një intervistë me të përjavshmen e Beogradit NIN.
Arsyeja tjetër pse Republika Serbe do të ndahet nga BeH është ndryshimi i mjedisit ndërkombëtar.
"Për 20 vjetët e fundit, Perëndimi ka pasur epërsi mbi Bosnjën dhe mbajti të gjitha opsionet e mbyllura, që do të thotë se edhe nëse serbët e Bosnjës donin të largoheshin nga Sarajeva, nuk u lejuan. Sot, Bashkimi Evropian përballet me ndikimin minimal që ka në Bosnje për shkak të faktit se nuk po planifikon zgjerim, "tha Les.
Ai vlerësoi se presidenti serb Aleksandar Vuçiq po punon për të arritur një kompromis me Prishtinën, për të qetësuar serbët e Bosnjës, kryesisht, pasi ai dëshiron anëtarësimin në BE. Megjithatë, sipas Les, kjo fazë e historisë ka mbaruar.
"BE është në një gjendje të rënies së pakthyeshme, kështu që oferta e anëtarësimit është tërhequr. BE ka pak për të ofruar për rajonin përveç parave, kështu që nuk ka asnjë autoritet,"pohon Les.
