Jelekët e verdhë sërish në rrugët e Parisit.
Protestues nga e gjitha Franca janë rikthyer sërish në protesta kundër qeverisë së presidentit Emmanuel Macron, ku mes tyre ishte dhe një ish-boksier profesionist. Bëhet fjalë për Christophe Dettinger, i cili në urën Leopold-Sédar-Senghor dha leksione boksi për të pranishmit, ku grushtoi mbi policinë.
Dominimi i tij ishte i frikshëm, duke bërë që 4 policët, njëri prej të cilit ishte pikasur si rival nga Dettinger u zbrapsën pas. Video u bë virale, ndërsa Dettinger u cilësua nga shumë qytetar si hero i lëvizjes.
I menjëhershëm ka qenë edhe reagimi i Ministrit të brendshëm francez, Christophe Castaner që e përshkroi sulmin si "frikacak dhe të patolerueshëm" dhe kontaktoi prokurorin publik për të hapur një hetim mbi ngjarjen.
