Pas votëbesimit të Qeverisë, Parlamenti grek të hënën ratifikon Marrëveshjen e Prespës - Bota Sot
Pas votëbesimit të Qeverisë, Parlamenti grek të hënën ratifikon Marrëveshjen e Prespës

Evropë

Pas votëbesimit të Qeverisë, Parlamenti grek të hënën ratifikon Marrëveshjen e Prespës

Më: 17 janar 2019 Në ora: 10:26
Marrëveshja e Prespës

Në votimin e djeshëm të besimit në Parlamentin grek, kryeministri grek Aleksis Cipras me 151 vota për dhe 148 kundër tij fitoi mbështetjen e nevojshme për qeverinë e tij. Pas marrjes së besimit nga Parlamenti, vëmendja e Qeverisë greke tani përqendrohet drejt Marrëveshjes së Prespës dhe deputetët të cilët do të votonin për ratifikimin e saj.

Votimi kaloi ashtu siç pritej dhe paralajmërohej. Për besim të qeverisë, përveç 145 deputetët e SYRIZA-s, votuan katër deputetë të pavarur dhe dy nga Grekët e Pavarur, gjegjësisht qeverinë e mbështetën:ministrja e Turizmit, Elena Kundura, zëvendësministri i Bujqësisë, Vasilis Kokalis, të cilët para ca kohësh ishin pjesë e Grekëve të Pavarur, zëvendësministrja e Mbrojtjes Civile, Katerina Papakosta, e cila është deputete e pavarur, deputetët e Grekëve të Pavarur, Kostas Zuaris dhe Tanasis Papahristopulos dhe tani më deputeti i pavarur, ndërsa deri pardje një anëtar i Potamit, Spiros Danelis, transmeton Alsat M.

Para votimit, fjalën e kishte kryeministri grek Aleksis Cipras i cili i njoftoi deputetët se Greqia kishte marrë Notë verbale nga MPJ e Maqedonisë në të cilën kumtohet se janë përmbushur detyrimet në bazë të Marrëveshjes.

Dje para votimit të votëbesimit të qeverisë, Kryetari i Kuvendit grek Nikos Vicus tha se pas votimit vendi do të përqendrohet në ratifikimin e Marrëveshjes së Prespës duke nënvizuar që Marrëveshja e Prespës, të premten do të hyjë në procedurë parlamentare, ndërsa pritet që të hënën të votohet. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...