Ukraina thotë se sheh rritje në sulmet kibernetike që synojnë zgjedhjet - Bota Sot
Ukraina thotë se sheh rritje në sulmet kibernetike që synojnë zgjedhjet

Evropë

Ukraina thotë se sheh rritje në sulmet kibernetike që synojnë zgjedhjet

Nga: A.Sh Më: 25 janar 2019 Në ora: 15:30
Serhiy Demedyuk

Kriminelët e kontrolluar nga Rusia po rritin përpjekjet për të prishur zgjedhjet presidenciale të Ukrainës në mars me sulme kibernetike mbi serverat elektoralë dhe kompjuterët personalë të stafit zgjedhor, tha kreu i policisë kibernetike të Ukrainës të premten.

Serhiy Demedyuk tha për Reuters se sulmuesit po përdorin kartolina urimi me virus, ftesa për blerje, oferta për përditësime të programit dhe materiale të tjera me qëllim të keq, për të vjedhur fjalëkalime dhe informacione personale.

Dhjetë javë para zgjedhjeve, hakerat gjithashtu po blinin detaje personale të zyrtarëve të zgjedhjeve, tha Demedyuk, duke paguar në web-faqe, pjesë e internetit e qasshme vetëm përmes disa programeve dhe zakonisht përdoret në mënyrë anonime.

Marrëdhëniet midis Ukrainës dhe Rusisë u zhytën pas aneksimit të Krimesë në vitin 2014 dhe Kievi e ka akuzuar Rusinë për orkestrimin e sulmeve kibernetike në shkallë të gjerë si pjesë e një "lufte hibride" kundër Ukrainës, të cilën Moska vazhdimisht e mohon.

Në një nga sulmet, "NotPetya" në vitin 2017 goditi mijëra kompjuterë jo vetëm në Ukrainë por edhe në mbarë botën, duke prishur transportin dhe bizneset.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...