Ekipet e shpëtimit në Spanjë kanë gjetur trupin e një djali dyvjeçar, i cili ra në një pus në afërsi të qytetit jugor të Malagas, thonë zyrtarët.
Djali, i quajtur Julen, u zhduk në një pus të ngushtë më shumë se 100 metra gjatë një shëtitje familjare më 13 janar, shkruan BBC, përcjell Bota sot.
Skuadrat e specializuara punuan ditë e natë në një tunel që kishin gërmuar paralelisht me puset e ngushta.
Trupi u gjet në orët e hershme të mëngjesit të së shtunës.
"Në 01:25, ekipet e shpëtimit arritën në zonën e pusit ku po kërkonin Julen dhe gjetën trupin e pajetë të të vogëlit", tha Alfonso Rodriguez Gomez de Celis, përfaqësuesi i qeverisë qendrore në rajonin e Andaluzisë.
Aksidenti ndodhi gjatë një ekskursioni të së dielës pasdite në një plantacion kodrinor afër fshatit Totalan.
Boshte të tilla janë gërmuar me shpresën e nxjerrjes së ujit.