Kjo është fotografia e parë e një nëne, e cila është akuzuar për vrasjen e dy vajzave të saj një vit pas vdekjeve misterioze brenda disa javësh.
Louise Porton, 22 vjeçare, nga Skiddaw, Rugby, u paraqit në Gjykatën e Leamington Magistrates këtë mëngjes dhe akuzohet për vrasjen e Lexi Draper, 3 vjeçare dhe Scarlett Vaughan, 16 muajshe, shkruan Daily Mail, përcjell Bota sot.
Lexi u gjet e vdekur në shtëpi në orët e hershme të 15 janarit të vitit të kaluar pas raporteve se ajo ishte e pavetëdijshme.
Dy javë më vonë, më 1 shkurt, motra e saj e vogël Scarlett, vdiq pasi u sëmur në shtëpi.
E veshur me një triko të bardhë dhe fund gri, Porton foli vetëm për të konfirmuar emrin, datën e lindjes dhe adresën, gjatë seancës dy minutëshe.
Ajo u mbajt në paraburgim dhe do të shfaqet nëpërmjet një video lidhjeje për paraqitjen e saj të ardhshme në Warwick Crown Court të martën më 29 janar.
Anëtarët e familjes së saj ishin të pranishëm në gjykatë dhe u fotografuan duke lënë Qendrën e Drejtësisë në Warwickshire./BS
