Grada Civile në Spanjë ka bërë publike pamjet ku tregohen minatorët e specializuar që punojnë në nëntokën e thellë për të arritur në pusin ku 2 vjeçari Julen Rosello ishte bllokuar.
Pas dy javësh përpjekje, trupi i fëmijë u gjet në orët e para të mëngjesit të së shtunës (26 janar).
Minatorët hapën një tunel të madh paralel me pusin për të arritur tek trupi i Julen.
I gjithë operacioni ishte i shoqëruar me vështirësi, dhe në fazën e fundit u desh përdorimi i eksplozivëve për të thyer shkëmbin e fortë.
Specialistët punuan ditë e natë në tunel për të arritur tek djali.
Julen ra në pus më 13 janar, ndërsa po bënte shëtitje me familjen e tij në një plantacion kodrinor afër fshatit Totalan.
Pusi 100 metra i thellë dhe me diametër të ngushtë prej vetëm 25 centimetra ishte i hapur.
