Vazhdojnë protestat në Francë - Bota Sot
Vazhdojnë protestat në Francë

Evropë

Vazhdojnë protestat në Francë

Më: 2 shkurt 2019 Në ora: 15:20
Francë, fotografi nga arkivi.

Qindra persona protestuan në Paris të Francës, duke shënuar kështu javën e 12-të me radhë të mbajtjes së protestave anti-qeveritare.

Protesta më të vogla janë mbajtur edhe në qytete të tjera të Francës, pavarësisht shenjave se lëvizja e protestuesve të njohur si “Xhaketat e Verdha” ka humbur fuqinë, pas rritjes së mbështetjes nga presidentit Emmanuel Macron.

Protestuesit kanë nderuar personat që janë lënduar gjatë protestave të mëhershme dhe kanë denoncuar përdorimin e dhunës nga ana e policisë, të cilët kanë përdorur armë për kontrollin e turmave. Armët për kontrollin e turmave janë të ndaluara në shumë vende evropiane.

Qeveria franceze thotë se rreth 1 mijë policë dhe 1 mijë e 700 protestues janë lënduar që prej se protestat nisën në nëntorin e vitit të kaluar.

Protestat nisën pas pakënaqësive për rritjen e çmimit të karburanteve, por vazhduan edhe për pakënaqësi të tjera ndaj politikave të Qeverisë së Macronit.

Ministria e Brendshme franceze thotë se 80 mijë pjesëtarë të sigurisë janë dërguar në mbarë vendin sot për të siguruar mbarëvajtjen e protestës.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...