Moti i keq në Itali, evakuohen 280 persona, plagosen 6 policë - Bota Sot
Moti i keq në Itali, evakuohen 280 persona, plagosen 6 policë

Evropë

Moti i keq në Itali, evakuohen 280 persona, plagosen 6 policë

Më: 2 shkurt 2019 Në ora: 23:26
Itali

Moti i keq me reshje të shumta shiu ka mbërthyer gjatë orëve të fundit Italinë.

280 persona janë evakuuar e 6 punonjës të forcave të rendit  kanë mbetur të plagosur në provincën e Bolonjës nga dalja nga shtrati i lumit Reno, ndërsa po i vinin në ndihmë banorëve në shtëpitë e përmbytura nga uji.

Ata u shpëtuan falë ndërhyrjes së një helikopteri të repartit të zjarrfikësve dhe po marrin mjekim në spitalin e zonës.

Në qytetin e Venedikut uji ka arritur në 113 cm mbi nivelin mesatar të detit, transmeton oranews.

Niveli i lartë i reshjeve ka detyruar mbylljen e një pjesë autostrade në rajonin e Alto Adige.

Lumi Po ka rritur në 3 metra në rajonin e Emilia Romanjës, ndërsa në Romë, fryrja e lumit Tevere ka detyruar bashkinë të mbyll të gjitha hyrjet buzë lumit.

Përmbytjet nga shiu kanë shkaktuar dhe mjaft aksidente rrugore.

Situata e motit të keq vazhdon të jetë në monitorimin e Drejtorisë së Mbrojtjes civile.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...