Ligjbërësit separatistë të krahut të djathtë dhe katalanas kundërshtuan të mërkurën një draft buxhetin e vitit 2019, një masë që mund të detyronte Kryeministrin spanjoll Pedro Sanchez të thërriste zgjedhje të parakohëshme.
Një total prej 191 ligjbërësish në asamblenë prej 350 anëtarësh votuan në favor të ndryshimeve për të bllokuar buxhetin.
Kryeministri socialist Pedro Sanchez, i cili erdhi në pushtet në qershor, falë pjesërisht mbështetjes së 17 ligjvënësve katalanas në parlamentin kombëtar dhe kryeson një qeveri të pakicës, varet nga votat e tyre për të shtyrë buxhetin e tij.
Partia Socialiste e Sanchez mban vetëm 84 vende në parlament prej 350 vendesh.
Negociatat me koalicionin e ri separatist që morën pushtetin në rajonin verilindor të Katalonjës pas shtyrjes së pavarësisë së 2017 u ndërprenë javën e kaluar kur qeveria e Sanchez refuzoi të pranojë bisedimet e vetëvendosjes.
