May: Ende është i mundshëm Brexit me marrëveshje

Evropë

May: Ende është i mundshëm Brexit me marrëveshje

Më: 24 shkurt 2019 Në ora: 16:20
Kryeministrja britanike, Theresa May

Londra dhe Brukseli në bisedimet për Brexit kanë arritur progres, ashtu që edhe më tej është e mundshme që Britania e Madhe, sipas marrëveshjes, të largohet nga BE-ja më 29 mars, ashtu sikurse ishte e planifikuar, deklaroi sot kryeministrja britanike Theresa May.

Ajo këto komente i bëri në Sharm-el-Sheik, ku po mbahet samiti BE-Liga Arabe.

May tha se negociuesit britanikë kishin progres të mirë dhe bisedime konstruktive me Bashkimin Evropian, transmeton KosovaPress.

Agjencia AP, megjithatë, shkruan se një zyrtar i paidentifikuar i BE-së ka deklaruar se ‘nuk do të ketë marrëveshje në shkretëtirë”.

AP shton se May ka shtyrë votimin në Parlamentin britanik lidhur me planin e saj për Brexit.

Votimi duhet të mbahet më 12 mars, vetëm dy javë para se vendi të largohet ashti sikurse është paraparë nga BE-ja.

Sot mund të lexoni Shfletoni kopertinat