Irlanda e zhgënjyer për rrëzimin e marrëveshjes së Brexit

Evropë

Irlanda e zhgënjyer për rrëzimin e marrëveshjes së Brexit

Më: 13 mars 2019 Në ora: 07:24
Simon Coveney

Ministri i jashtëm i Irlandës tha se ishte i zhgënjyer që parlamenti britanik votoi për të hedhur poshtë një marrëveshje të Brexit të hënën.

“Parashikimet ishin mjaft të qëndrueshme gjatë ditëve të fundit, se kjo do të ishte një humbje e rëndë”, tha Simon Coveney për BBC.

“Ne tani duhet të jemi të durueshëm dhe të qetë për ta lejuar këtë proces në Westminster, për të marrë rrugën e tij”, shtoi ai.

Ligjvënësit britanikë refuzuan në shumicë marrëveshjen e kryeministres Theresa May për “Brexit”-in, për të dytën herë këtë të martë, duke e ekspozuar kështu Britaninë e Madhe përpara një situate të panjohur vetëm 17 ditë përpara shkëputjes së pritshme të saj nga Bashkimi Europian.

Dhoma e Komunëve në Britani votoi me 391 vota kundër dhe vetëm 242 pro, duke refuzuar kështu planin e kryeministres, edhe pse May kishte siguruar garanci të mëtejshme nga Brukseli mbi ato që konsideroheshin si elementët më kontroversë të marrëveshjes.

Vendi rrezikohet tashmë nga një kaos ekonomik, pasi Britania pritet të ndërpresë marrëdhëniet me partnerin e saj më të madh tregtar, BE-në, pas plot 46 vitesh, më 29 mars.

commentFirst article
Sot mund të lexoni Shfletoni kopertinat