Brukseli i jep kryeministres tre javë kohë në një marrëveshje që u arrit vetëm pas disa negociatave që zgjaten mbi 7 orë, shkruan The Times.
Kryeministrja kishte shkuar tek Këshilli Europian duke kërkuar një zgjatje të afatit të fundit deri më 30 qershor. Por liderët e Bashkimit Europian shpejt anuluan këtë propozim, duke ofruar datën 12 prill si të fundit për të ratifikuar një marrëveshje nga ana e britanikëve, në të kundërt Britania do detyrohet të dalë pa arritur një marrëveshje.
Data 12 prill nënkuptohet si afati i fundit për të ratifikuar marrëveshjen. Në rast se kjo ndodh Brukseli do ta shtyjë largimin përfundimtar dhe arritjen e nënshkrimit të detajeve të vogla lidhur me çështjet më me rëndësi deri më datën 22 maj, kur edhe është dita e fundit para zgjedhjeve të Parlamentit Europian.
Tani më duket se BE-ja ka rikthyer kontrollin përfundimisht përmbi këtë çështje, dhe caktimi i datës së fundit për arritje të marrëveshjes dërgon përgjegjësinë për ratifikim në anën e britanikëve.