Italia shtron tapetin e kuq për të pritur presidentin kinez Xi Jinping - Bota Sot
Italia shtron tapetin e kuq për të pritur presidentin kinez Xi Jinping

Evropë

Italia shtron tapetin e kuq për të pritur presidentin kinez Xi Jinping

Më: 23 mars 2019 Në ora: 06:11
Sergio Mattarella dhe Xi Jinping

Presidenti kinez, Xi Jinping e nisi turin e tij evropian me Romën, të premten, në mesin e polemikave në rritje për bashkimin e Italisë në projektin më të madh aziatik, atë të rrugës së mëndafshtë.

Kryeministri Giuseppe Conte do të nënshkruajë të shtunën memorandumin e mirëkuptimit me presidentin kinez, që Italia t’i bashkohet iniciativës 1 trilionë dollarëshe, duke u bërë i pari anëtar i G7-ës që e bën një gjë të tillë, pavarësisht ndasive të dukshme në koalicionin qeverisës.

Sidoqoftë, të premten u shtrua tapeti i kuq për presidentin kinez, që u takua me homologun e tij italian, Sergio Mattarella dhe foli pasdite para parlamentit.

“Roma dhe Pekini do të kenë përfitime të mëdha ekonomike në kuptimin e bashkëpunimit ekonomik, bazuar tek konkurrenca e ndershme mes kompanive, duke respektuar pronën industriale dhe intelektuale, në luftën e përbashkët kundër falsifikimit”, tha presidenti italian Sergio Mattarella.

“Ne ramë dakord që duhet të forcojmë sinergjitë mes dy palëve dhe strategjive respektive të zhvillimit për t’u fokusuar tek bashkëpunimi në infrastrukturë, porte, logjistikë dhe ai detar. Qëllimi është të ndërtojmë projekte konkrete dhe cilësore përgjatë asaj që njihet rruga e mëndafshit”, tha presidenti kinez, Xi Jinping.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...