100 vjeçarja kandidon për zgjedhjet lokale në Gjermani, e bindur se do e fitojë garën - Bota Sot
100 vjeçarja kandidon për zgjedhjet lokale në Gjermani, e bindur se do e fitojë garën

Evropë

100 vjeçarja kandidon për zgjedhjet lokale në Gjermani, e bindur se do e fitojë garën

Më: 13 prill 2019 Në ora: 18:18
Lisel Heise

Për shumicën e njerëzve, të arrish 100 vite jetë do të ishte një arsye e fortë për t’i marrë gjërat më lehtë. Por Lisel Heise ka ide të tjera. E moshuara gjermane, ish mësuese fizkulture, ka nisur një kapitull të ri në jetën e saj dhe po garon në zgjedhjet për këshillin e qytetit të saj, Kirhaimbolanden.

Ajo e ka fokusuar fushatën në rihapjen e pishinës publike, e cila u mbyll në vitin 2011.

“Hyra në politikë, në mënyrë që të bëja diçka për të rinjtë. Të gjitha gjërat e mira po zhduken: pishinat po mbyllen dhe ata nuk kanë asnjë vend të mirë për të kaluar kohën jashtë shkollës”, thotë Lisel.

Zgjedhjet zhvillohen me 26 maj dhe votuesit e këtij qyteti me 8 mijë banorë, po fillojnë ta dëgjojnë kandidaten e moshuar.

“Të moshuarit shpesh janë lënë në hije. Bën diference të madhe që ajo ka guximin të thotë: Jemi edhe ne këtu”, thotë Edelraut, një banore e zonës.

Përtej politikës lokale, 100 vjeçarja shpreh opinione edhe për atë çfarë ndodhë në botë.

“Brexit nuk duhej kurrë të kishte një platformë. Më duket e mrekullueshme që të rinjtë po mundohen të trajtojnë çështjet e klimës. Uroj që ata të kenë shumë sukses në nismën e tyre”, thotë zonja “shekullore”.

Pavarësisht rezultatit, Heise ka disa këshilla për ata që dëshirojnë të ndjekin hapat e saj.  “Për të arritur moshën 100 vjeç ju këshilloj të jetoni shëndetshëm derisa jeni të rinj, bëni sport, ushqehuni mirë dhe stërvitni mendjen”.

Shfaq komentet
comments powered by Disqus
Sot mund të lexoni Shfletoni kopertinat