Vuçiq do të bisedojë me Putinin për situatën në rajon - Bota Sot
Vuçiq do të bisedojë me Putinin për situatën në rajon

Evropë

Vuçiq do të bisedojë me Putinin për situatën në rajon

Më: 16 prill 2019 Në ora: 15:40
Presidenti i Rusisë, Vladimir Putin dhe presidenti i Serbisë, Aleksandar Vuçiq

Presidenti i Serbisë, Aleksandar Vuçiq i ka thënë ambasadorit rus në Beograd, Aleksandar Çepurin, se bisedimet me Kosovën nuk mund të vazhdojnë derisa të hiqet tarifa ndaj mallrave serbe e vendosur nga autoritetet në Prishtinë.

Sipas një njoftimi nga presidenca serbe, Vuçiq ka biseduar me ambasadorin rus për takimin e ardhshëm të tij me presidentin e Rusisë, Vladimir Putin në kuadër të forumit “Brezi dhe Rruga”, i cili mbahet më 25 deri më 27 prill në Kinë.

Presidenti Vuçiq ka thënë se bisedimet do të fokusohen në bashkëpunimin e dyanshëm dhe situatën në rajon.

Ky do të jetë takimi i dytë mes dy presidentëve gjatë këtij viti. Putin vizitoi Beogradin më 17 janar ku deklaroi se “Rusia pajtohet që Beogradi dhe Prishtina të arrijnë një marrëveshje të pranueshme reciproke në përputhje me rezolutën 1244”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...