Rusia festoi përvjetorin e 74 të fitores mbi Gjermaninë naziste me një paradë ushtarake të përvitshme në sheshin e kuq, në Moskë.
Eventi, shfrytëzohet zakonisht për të demonstruar disiplinën e trupës dhe arsenalin e rëndë të armatimeve të vendit.
9 maji është një nga festat më të mëdha në Rusi, dhe shënon disfatën e Gjermanisë naziste në Luftën e Dytë Botërore. Ajo, ka si qëllim nderimin e sakrificave të bëra për arritjen e kësaj fitoreje, por edhe shpalosjen e fuqisë ushtarake të Rusisë.
Ushtria, prezanton zakonisht armatimet e saj më të reja në parada por kjo e sivjetmja ka aspekte më civile. Ministri i mbrojtjes dhe komandanti i ushtrisë kaluan mbi dy kabrioletë të rinj aurus, një markë luksoze e dizajnuar për përdorim të zyrtarëve të lartë rusë, përfshirë presidentin. Një tjetër risi ishte edhe ak-12, kallashnikovi i ri, që i është nënshtruar testimeve të reja dhe u vu në prodhim masiv, vitin e shkuar.
