Dënohet ushtari çek që iu bashkua separatistëve në Ukrainë - Bota Sot
Dënohet ushtari çek që iu bashkua separatistëve në Ukrainë

Evropë

Dënohet ushtari çek që iu bashkua separatistëve në Ukrainë

Më: 17 maj 2019 Në ora: 15:58
Erik Eshtu

Një gjykatë në Republikën Çeke e dënoi me tre vjet burgim me kusht një ushtar, i cili iu bashkua separatistëve pro-rusë në lindje të Ukrainës.

Gjykata në qytetin Pardubice po ashtu vendosi për ta degraduar dhe dëbuar nga forcat e armatosura çeke ushtarin Erik Eshtu.

Eshtu, 35 vjeç, u shpall fajtor për, siç u tha, bashkimin me një grup të organizuar kriminel, i themeluar për të kryer aktivitete terroriste, në periudhën prill-maj 2015.

Ushtari u akuzua pasi shpërndau fotografitë e tij duke mbajtur armë zjarri dhe me uniformën e separatistëve në rajonin lindor të Ukrainës, Donjeck.

Eshtu nuk e pranoi fajësinë, duke thënë se ka udhëtuar në Donjeck për të vizituar të afërmit e gruas së tij - shtetase e Ukrainës.

Ai tha se e ka blerë uniformën në një dyqan lokal, pasi, siç u shpreh, mbledh gjësende ushtarake.

Luftimet midis forcave qeveritare të Ukrainës dhe separatistëve pro-rusë në rajonet Luhansk dhe Donjeck kanë lënë mbi 13,000 njerëz të vrarë qysh në prill të vitit 2014.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...