Kryeministri i Ukrainës, Volodymyr Hroysman, tha se do të japë dorëheqje.
Në një deklaratë televizive, ai njoftoi sot se do të largohet në takimin e ardhshëm të qeverisë, nesër më 22 maj.
Njoftimi i tij vjen pak orë pasi Volodymyr Zelensky u betua si president i Ukrainës dhe tha se do të shpërbëjë Parlamentin dhe do të mbajë zgjedhje të reja brenda dy muajsh.
Hroysman, i cili është anëtar i bllokut të ish-presidentit Petro Poroshenko, tha se do të garojë në zgjedhjet e ardhshme parlamentare.
Hroysman, 41 vjeç, ka qenë kryeministër qysh në prill të vitit 2016.
Ai ka qenë më herët si kryetar i Parlamentit.
Dorëheqja e tij i pason ato të dy anëtarëve të tjerë të kabinetit: ministrit të Mbrojtjes, Stepan Poltorak, dhe të shefit të Shërbimit të Sigurisë, Vasyl Hrytsak.
Të dy ata dhanë dorëheqje sot paradite.
