Deputeti polak, Arkadius Mularcik, deklaroi sot se në kundërshtim me pretendimet e Gjermanisë, nuk ka asnjë dokument që tregon se vendi i tij ka hequr dorë ndonjëherë nga e drejta për të kërkuar kompensim nga Gjermania për humbjet e pësuara në Luftën e Dytë Botërore.
Berlini zyrtar insiston që Polonia ka hequr dorë nga këto të drejta në vitin 1953, ndërsa ishte nën kontrollin e Moskës.
Mularcik, megjithatë i tha AP se një gjë e tillë nuk është vërtetuar dhe se një kopje e shënimit të vitit 1953, të nënshkruar nga udhëheqësi i atëhershëm polak, nuk ishte ligjërisht i detyrueshëm.
Ai beson se kompensimi do të përmirësonte marrëdhëniet dypalëshe me Berlinin dhe tha se Polonia nuk u kompensua në mënyrë adekuate për humbjet njerëzore dhe materiale që pësoi gjatë pushtimit gjerman.
Mularcik, përndryshe, udhëheq një ekip ekspertësh që llogarit humbjet dhe synon t'ia paraqesë ato shtetit gjerman.
