Kurz përpiqet të shmangë rënien e qeverisë kalimtare

Evropë

Kurz përpiqet të shmangë rënien e qeverisë kalimtare

Më: 23 maj 2019 Në ora: 17:17
Kancelari austriak Sebastian Kurz

Kancelari austriak Sebastian Kurz foli sot me përfaqësuesit e partive parlamentare në përpjekje për të parandaluar kalimin e mosbesimit të qeverisë kalimtare, e cila ka qenë në pushtet që nga dje dhe theksoi se do të kujdeset për ruajtjen e stabilitetit të vendit deri në zgjedhjet e parakohshme.

Në një takim në selinë e kancelarit, të gjitha partitë, me përjashtim të Neos, dërguan një "nivel më të ulët", pasi aty nuk erdhën liderët, por drejtues të grupeve parlamentare për të shprehur qëndrimin ndaj qeverisë së tanishme.

"Qeveria e tranzicionit filloi të punojë dje, dhe qëllimi dhe detyra e saj është të sigurojë stabilitet dhe të përgatisë zgjedhje të parakohshme. Në këtë rrugë, është e rëndësishme që të koordinohet me presidentin e vendit, por gjithashtu edhe të ketë dialog me partitë parlamentare," tha Kurz pas bisedimeve.

Kurz theksoi se qeveria kalimtare nuk do të ndërmarrë emërime të reja, as do të propozojë ligje, por vetëm do të miratojë akte ligjore për të ruajtur status quo-në në rast nevoje.

Në të njëjtën kohë, ai vuri në dukje se ekspertët e paraqitur nga qeveria në pozitat e Partisë së Lirë të Austrisë (FPO), ministrat e të cilëve u larguan nga qeveria, nuk u kundërshtua nga askush.

Ai kujtoi se këta ishin ekspertë të cilët ose kishin mbajtur pozicionet drejtuese ose kishin ato në departamentet që po udhëheqin dhe se ata i përkasin opsioneve të ndryshme politike.

commentFirst article
Sot mund të lexoni Shfletoni kopertinat