Franca ende në kërkim të personit që shpërtheu bombën në qytetin e Lionit - Bota Sot
Franca ende në kërkim të personit që shpërtheu bombën në qytetin e Lionit

Evropë

Franca ende në kërkim të personit që shpërtheu bombën në qytetin e Lionit

Më: 25 maj 2019 Në ora: 20:13
Francë

Policia franceze është në kërkim të një personi i cili e la bombën në një trotuar, të një rruge e cila është mjaftë e frekuentuar për shkak të tregtisë dhe dyqaneve të shumta, në qytetin e Lionit.

Bomba, kishte shpërthyer dhe kishte lënduar 13 persona, raporton Reuters.

90 policë hetimorë, të mbështetur nga 30 shkencëtarë dhe teknikë të policisë, janë në kërkim të një njeriu, i cili ishte parë në kamerat e sigurisë rreth orës 17:30, gjatë ditës së premte.

Personi shihet tek sa e lëshon një çantë, afër një furre. Çanta shpërtheu rreth një minutë pasi që ai e la.

Policia franceze ishin në gjendje që t’i ndiqnin lëvizjet e njeriut, i cili me sa duket është rreth të 30-tave. Por ende nuk e kanë identifikuar për shkak se ai kishte vendosur një kapele dhe syze dielli.

Hetimet po vazhdojnë, duke i ndjekur gjurmët e ADN-së dhe shenjat e gishtërinjve.

Duke u bazuar në rrethanat, rasti është duke u hetuar si sulm terrorist, i cili ndodhi në mes të ditës. Nga të lënduarit, është edhe një vajzë 10 vjeçare.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...