Prokurori i kundër-terrorizmit i Francës thotë se dyshimi kryesor në bombardimet javën e kaluar në qytetin francez të Lyonit, që plagosi 14 vetë, kishte premtuar besnikëri ndaj Shtetit Islamik, shkruan AP.
Remy Heitz tha në një deklaratë të premten se 24-vjeçari ka pranuar bërjen e bombës dhe do t'i paraqitet një gjykatësi hetues.
I identifikuar si Mohamed Hichem M., i dyshuari u arrestua të hënën. Ai mbërriti në Francë në një vizë turistike në gusht 2017 dhe ishte i panjohur për shërbimet e policisë.
I dyshuari mund të akuzohet për vrasje në tentativë, komplot terrorist kriminal dhe prodhim, posedim dhe bartjen e një pajisje shpërthyese në lidhje me një ndërmarrje terroriste.
Presidenti francez Emmanuel Macron e kishte quajtur shpërthimin një "sulm", por asnjë grup nuk ka marrë përgjegjësinë për shpërthimin akoma.