Gjermani, bisedime mes frikës për kolapsin e kabinetit të Merkelit - Bota Sot
Gjermani, bisedime mes frikës për kolapsin e kabinetit të Merkelit

Evropë

Gjermani, bisedime mes frikës për kolapsin e kabinetit të Merkelit

Më: 3 qershor 2019 Në ora: 13:01
Treshja drejtuese e SPD-së

Partitë e koalicionit qeverisës në Gjermani po mbajnë takime të ndara për të diskutuar krizën, në kuadër të shqetësimeve se kabineti i udhëhequr nga Angela Merkel mund edhe të pësojë kolaps.

Pas dorëheqjes së kryetares së Partisë Socialdemokrate, Andrea Nahles, pritet që kjo parti të drejtohet deri në zgjedhjet e reja për kreun e partisë nga një treshe politike.

Sipas medieve, politikanë kryesorë të partisë kanë propozuar 3 emra; dy prej tyre janë kryeministre në landet gjermane, Manuel Schëesig e landit të Meklenburg-Pomeranisë; Malu Dreyer në Renani-Pfalc; si dhe kreun e degës së landit të Hesenit, Thorsten Schäfer-Gümbel.

Andrea Nahles u dorëhoq të hënën edhe zyrtarisht si kryetare e SPD-së.

Ky vendim erdhi pasi partia e qendrës së majtë doli e treta në zgjedhjet e Parlamentit Europian, ndërsa Unioni Kristian-Demokratik i udhëhequr nga Angela Merkel doli i dyti, me “të gjelbrit” në vendin e parë.

Nahles ishte kritikuar për qëndrimin në koalicion me partinë e Merkelit. Në një njoftim të lëshuar nga SPD-ja, ajo tha se “diskutimet brenda Parlamentit dhe vlerësimi nga partia më kanë treguar se nuk e kam më përkrahjen e mjaftueshme për të vazhduar me detyrat”.

Dorëheqja e saj ishte befasi, për shkak se ajo u bë udhëheqëse e partisë në prill të vitit të kaluar dhe pritej të garonte për këtë post sërish.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...