Siguria, lufta kundër terrorizmit, paqëndrueshmëria në Lindjen e Mesme, tregtia dhe Irani janë të gjitha temat që Presidenti Trump dhe Presidenti francez Emmanuel Macron pritet të diskutojnë në një takim që është duke u zhvilluar në Caen të Francës, shkruan AP.
Të dy janë duke u takuar të enjten pasi morën pjesë në një ceremoni në Varrezat Amerikane të Normandisë që shënuan 75 vjetorin e “D-Day”. Pas kësaj, Trump shkoi në Caen, ku ai dhe zonja e parë Melania Trump u pritën me një qilim të kuq, nga trupat franceze dhe një grup ushtarak.