Rreth 20 persona janë plagosur në Gjermaninë Lindore nga erërat e forta dhe stuhitë, ndërkohë që ka pasur njoftime se rrufeja goditi një njeri në Danimarkë dhe shkaktuan vdekjen e pesë kuajve në Suedi, shkruan AP.
Agjencia gjermane e lajmeve dpa njoftoi të enjten se tetë vetë u plagosën të mërkurën mbrëma në një dasmë në natyrë, kur një degë pemësh u rrëzua mbi ta në Blankensee në shtetin verilindor të Mecklenburg-Pomeranisë Perëndimore.
Në Berlin, 11 vetë u plagosën kur një pemë ra në një grup që festonte jashtë dhe një numër i panjohur i udhëtarëve në një kabrioletë u plagosën gjithashtu nga një pemë që u rrëzua nga stuhia.
Transporti publik u ndal në Berlin për dy orë në mbrëmje për shkak të stuhisë dhe disa trena të udhëtarëve ishin ende të vonuar të enjten në mëngjes.
