Holandezi noton 172 kilometra në kanalin që dikur përdorej për rrëshqitje mbi akull - Bota Sot
Holandezi noton 172 kilometra në kanalin që dikur përdorej për rrëshqitje mbi akull

Evropë

Holandezi noton 172 kilometra në kanalin që dikur përdorej për rrëshqitje mbi akull

Më: 24 qershor 2019 Në ora: 16:43
Ilustrim

Në kohën kur Evropa po përgatitet për një valë të temperaturave të larta, një burrë holandez ka vendosur ta kalojë në not “rrugën” më të famshme të Holandës për rrëshqitje mbi akull. Kjo garë nuk është mbajtur në dy dekadat e fundit.

Në vend se të rrëshqasë mbi akull në kanalin e ujit që është i gjatë gjithsej 195 kilometra, notari fitues i medaljes së artë olimpike për notim të maratonik, Maarten van der Weijden, ka vendosur ta “çajë” këtë kanal me duart e tij.

Van der Weijden arriti në kilometrin e 172-të të kanalit të hënën në mëngjes në provincën veriore të Frieslandit.

“I dua skijimin, ndihmën për të tjerët dhe caktimin e qëllimeve për vete”, i tha një televizioni notari 38-vjeçar.

Përndryshe, Van der Ëeijden është person që i ka mbijetuar kancerit. Ai ia kishte dalë ta mposhtte leukeminë për ta fituar më vonë medaljen e artë në Lojërat Olimpike “Pekini 2008” në garën për notim prej dhjetë kilometrash.

Të hollat e grumbulluara nga ky aktivitet do të dhurohen për kërkime shkencore lidhur me sëmundjen e kancerit.

Kjo është përpjekja e dytë e këtij notari për ta kaluar me sukses tërë kanalin në not pasi kishte dështuar një herë vitin e kaluar. Ai pritet ta përfundojë notimin të hënën në mbrëmje, shkruan “The Guardian”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...