Merkel deklaron se mund të tërhiqet për kreun e BE - Bota Sot
Merkel deklaron se mund të tërhiqet për kreun e BE

Evropë

Merkel deklaron se mund të tërhiqet për kreun e BE

Më: 26 qershor 2019 Në ora: 19:32
Angela Merkel

Kancelarja gjermane, Angela Merkel, pranoi të mërkurën se ajo mund të detyrohet të heqë dorë nga zgjedhja e saj për liderin e ardhshëm të Komisionit Europian, në kuadër të frymës së kompromisit.

Duke raportuar në parlamentin gjerman, për përpjekjet e dështuara javën e shkuar për të zgjedhur ekipin e ri që do të reformojë bllokun në vitet e ardhshme, Merkel tha se një samiti i radhës, të dielën, mund të rezultojë sërish i pafrytshëm.

“Vetëm ata që prezantohen nga Këshilli Europian për zgjedhjen e Presidentit të Komisionit Europian, mund të hyjnë në garë dhe unë nuk vendos e vetme në këtë pikë”, është shprehur Merkel.

Merkel tha se shpresonte që procesi sidoqoftë, do të respektonte parimin e kandidatit prioritar, sipas të cilit partia që ka marrë më shumë vota në zgjedhjet europiane, do të ketë e para fjalën për postet kryesore.

“Gjërat janë shumë të komplikuara këtë radhë ndaj duhet të vazhdojmë të kërkojmë për një zgjidhje”, ka thënë në fjalën e saj Merkel.

Kandidati i preferuar për partitë popullore është gjermani Manfred Weber. Por, Presidenti francez, Emmanuel Macron dhe pesha të tjera të rënda në BE, thonë se ai nuk ka karizëm të mjaftueshme për këtë post.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...