Një incident gjatë aktivitetit sportiv në plazh i ka kushtuar jetën një turisti në Turqi.
Ngjarja e rëndë ka ndodhur në Serik (Belek) të Antalyas, ku 62-vjeçari Abususenenh Abedalaziz me bashkëshorten dhe mbesën po bënin ‘parasailing’.
Pas ngritjes në ajër të parashutës së lidhur për skaf, burrit iu shkëputën pajisjet e sigurisë dhe ra në ujë nga një lartësi prej 50 metrash. Palestinezi u dërgua me shpejtësi në spital, por nuk arriti tu shpëtojë plagëve pavarësisht ndërhyrjes së mjekëve.
Pas humbjes së ekuilibrit në ujë ranë edhe bashkëshortja dhe mbesa, por gjendja shëndetësore e tyre nuk paraqitet problematike.
“Hurriyet” raporton se palestinezët kishin prenotuar një hotel me 5 yje në Belek për pushime e tyre që përfunduan në mënyrë tragjike.
Autoritetet turke kanë nisur hetimin e rrethanave të ngjarjes që i kushtuan jetën turistit.