Çfarë po ndodh në Turqi: Ish kryeministri kapet me Erdoganin, ti je fajtor për humbjen në Stamboll - Bota Sot
Çfarë po ndodh në Turqi: Ish kryeministri kapet me Erdoganin, ti je fajtor për humbjen në Stamboll

Evropë

Çfarë po ndodh në Turqi: Ish kryeministri kapet me Erdoganin, ti je fajtor për humbjen në Stamboll

Më: 30 qershor 2019 Në ora: 18:43
Ahmet Davutoglu

Ish-kryeministri i Turqisë, Ahmet Davutoglu, dhe aleat i presidentit turk, Rexhep Taip Erdogan, këtë të shtune ka kritikuar partinë e tij dhe presidentin për humbjen në zgjedhjet në Stamboll, e që sipas tij kjo është pakënaqësi ndaj Erdoganit në nivel kombëtar.

Partia për Drejtësi dhe Zhvillim humbi zgjedhjet për kryetar të qytetit më të madh turk, Stambollit. Kjo erdhi pas 25 vitesh që e njëjta parti udhëhiqte në këtë metropol.

Davutoglu, i cili shërbeu si kryeministër në periudhën 2014 deri 2016, edhe më parë kishte kritikuar politikat e Erdoganit, raporton Reuters.

Por komentet e tij të fundit vijnë në një kohë kur ish-zëvendës ministri Ali Babacan dhe ish presidenti turk Abdullah Gul, që janë ndër themeluesit e Partisë për Drejtësi dhe Zhvillim, planifikojnë krijimin e një partie të re, e me gjasë edhe Davutoglu ka paralajmëruar së mund t’i bashkëngjitet.

“Ka qenë një qeveri e cila i ka realizuar premtimet me kohë” tha Davutoglu por shtoi se ata që e shkaktuan këtë “rënie” të partisë duhet “ta paguajnë çmimin”.

“Nëse ne i humbin zgjedhjet në raundin e parë me 13.000 vota e më pas me 800.000 vota, siç ndodhi në Stamboll, përgjegjës nuk është një kryeministër i cili ka shumicë të qartë në parlament, por ata të cilët kanë bërë rrëshqitje në retorikë, aksion, moral e politikë” tha ai.

Gjatë fushatës në Stamboll, Erdogan akuzoi opozitën për lidhje me terroristët duke theksuar se ata kanë lidhje me Partinë Komuniste Kurde.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...