Ekspertët tregojnë shkakun pse po përvëlohet Evropa - Bota Sot
Ekspertët tregojnë shkakun pse po përvëlohet Evropa

Evropë

Ekspertët tregojnë shkakun pse po përvëlohet Evropa

Më: 3 korrik 2019 Në ora: 10:13
Europë

Gjasat që të ndodhte kjo valë të nxehti, e cila përvëloi këto ditë Europën, u shtuan me pesë herë nga ngrohja globale, thonë ekspertët. Rritja e temperature për shkak të këtij fenomeni ka sjellë një “super-ngarkesë”, shpjegojnë ata, duke e bërë shumë të mundshme që ai të ndodhte.

Shkencëtarët vërejnë se valët e të nxehtit në qershor së fundi kanë qenë 4 gradë më shumë sesa ato të mëparshmet. Të premten, termometri në Francë theu rekordet e të gjitha kohërave për vendin, kur shënoi 45.9 gradë Celsius.

Rekorde u thyen edhe në disa zona të Zvicrës, Austrisë, Gjermanisë dhe Spanjës. Në Francë shumë shkolla u mbyllën e provimet u shtynë teksa ministrja e shëndetësisë, Agnès Buzyn paralajmëroi se “të gjithë janë të rrezikuar”.

Një front i nxehte nga Afrika Veriore u bë shkas për rritjen e presionit mbi Europën Qëndrore, kombinuar dhe me një stuhi mbi Atlantik. Kontinenti i vjetër megjithatë duket se tani do të qetësohet pak, pasi vala e të nxehtit po zhvendoset më në jug, drejt Ballkanit, e pritet që përvëlimi tani të mundojë pikërisht këtë rajon për disa ditë.

Sinoptikanët parashikojnë nga e mërkura deri të premten temperatura prej 35-38 gradë celcius, ndërsa në zonat qëndrore ballkanike ato mund të shkojnë dhe deri në 41 gradë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...