Vërshime në perëndim të Greqisë, evakuohen banorët

Evropë

Vërshime në perëndim të Greqisë, evakuohen banorët

Më: 14 korrik 2019 Në ora: 19:05
Greqi, 11 korrik, 2019

Autoritetet greke kanë evakuuan dhjetëra banorë nga shtëpitë e tyre në perëndim të vendit, vetëm disa ditë pasi shtatë persona humbën jetën nga stuhitë e fuqishme që goditën pjesën veriore të Greqisë.

Stuhi të tilla ndodhin rrallë në Greqi.

Vërshimet që pasuan stuhinë e fundit kanë dëmtuar rrugët në afërsi të qyteteve Nafpaktos dhe Patra, duke bërë që një rrugë kryesore të ishte e pa qarkullueshme për disa orë. Megjithatë, nuk raportohet se ndokush është lënduar apo është zhdukur, raporton Reuters.

“Shumë shtëpi dhe dyqane janë goditur nga vërshimet në qytetin Nafpaktos... shtëpitë, dyqanet dhe makinat janë dëmtuar”, tha një zyrtar i shërbimit të zjarrfikësve.

Shtatë persona, përfshirë këtu gjashtë turistë, humbën jetën dhe mbi 100 të tjerë u lënduan të enjten, kur një stuhi e fuqishme goditi pjesën veriore të Greqisë./Rel

commentFirst article
Sot mund të lexoni Shfletoni kopertinat