Gazeta “The Daily Mail” boton kabllograme të reja të ish-ambasadorit të Britanisë - Bota Sot
Gazeta “The Daily Mail” boton kabllograme të reja të ish-ambasadorit të Britanisë

Evropë

Gazeta “The Daily Mail” boton kabllograme të reja të ish-ambasadorit të Britanisë

Më: 15 korrik 2019 Në ora: 07:11
Ish-ambasadori i Britanisë në Shtetet e Bashkuara Kim Darroch

Gazeta britanike “The Daily Mail” botoi të dielën kabllograme të reja të klasifikuara të ish-ambasadorit të Britanisë në Shtetet e Bashkuara Kim Darroch.

Në to zbulohet se ambasadori Darroch besonte se tërheqja e presidentit amerikan Donald Trump nga marrëveshja bërthamore me Iranin ishte një "vandalizëm diplomatik" kundër paraardhësit të tij, Barak Obama.

Javën e kaluar, gazeta publikoi kabllograme të tjera të klasifikuara të zotit Darroch rreth Presidentit Trump, ku diplomati britanik e përshkruante udhëheqësin e Shteteve të Bashkuara si një njeri "të paaftë", "të pasigurt" dhe "jokompetent" dhe administratën e tij si "jofunksionale".

Ambasadori Darroch dha dorëheqjen nga funksioni i tij të mërkurën pas rrjedhjes së infromacionit të kabllogrameve, të cilat u botuan në media dhe sulmit të zotit Trump në Twitter për këtë çështje.

Kabllogramet e ambasadorit britanik duhet të shiheshin vetëm nga ministrat kryesorë britanikë dhe nëpunësit civilë./VOA

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...