Rumania ka njoftuar planet për të futur një taksë mbi pijet joalkoolike me sheqer për të luftuar mbipeshën.
Taksa ka për qëllim dekurajimin e konsumit të pijeve me sheqer dhe rritjen e të ardhurave publike që mund të shpenzohen për shëndet dhe arsim. Epidemia e mbipeshës në BE është një ngarkesë e madhe për sistemet shëndetësore, njofton Ministria e Financave e këtij vendi.
Me taksën e re pritet të mblidhen deri në fund të vitit 66 milionë euro, teksa me rishikimin më të gjerë të buxhetit gjithashtu do të rritet edhe taksa për duhan.
Opozita e qendrës së djathtë u përgjigj me tallje ndaj taksës së re, duke vënë në dukje se një propozim i ngjashëm u bë në prill nga partia liberale USR, të cilën qeveria e hodhi poshtë në atë kohë.
Shoqata e pijeve të buta denoncoi taksën si "diskriminuese" dhe tha se do të dëmtonte sektorin, i cili ka rreth 60,000 punëtorë.
Sipas konsulencës KeysFin, tregu i lëngjeve në Rumani vlen rreth 1.2 miliard euro.
