Në Poloni kryeparlamentari dorëhiqet pas akuzave për abuzime me avionët zyrtarë

Evropë

Në Poloni kryeparlamentari dorëhiqet pas akuzave për abuzime me avionët zyrtarë

Më: 8 gusht 2019 Në ora: 14:16
Foto ilustrim

Presidenti konservator i Dhomës së Ulët të Parlamentit polak, Marek Kuchcinski njoftoi sot se nesër do të ofrojë dorëheqjen, pas një skandali në lidhje me udhëtimet e shumta, disa prej të cilave me familjen e tij, në bordin e avionëve qeveritarë.

“Do të jap dorëheqjen nga president i Dhomës së Ulët të Parlamentit”, njoftoi për gazetarët Kuchcinski, dy muaj para zgjedhjeve legjislative duke konfirmuar se nuk kishte shkelur ligjin për këto udhëtime të shumta.

Disa ditë më parë kryetari konservator i parlamentit polak,  Marek Kuchcinski kërkoi falje për udhëtimet e shumta, disa prej të cilave me familjen e tij, në bordin e avionëve qeveritarë, një çështje që mund të prekë partinë e tij dy muaj para zgjedhjeve legjislative.

Sipas dokumenteve të paraqitura nga opozita dhe media, Kuchcinski, 63 vjeç, funksionari i dytë më i lartë shtetëror, sipas Kushtetutës, ka përdorur helikopterët dhe avionët ushtarakë 100 herë këto vitet e fundit.

Në 23 raste ai ka qenë i shoqëruar nga familja e tij.

Ai drejton Dhomën e Ulët të parlamentit që prej vitit 2015 dhe erdhi në pushtet nga konservatorët nacionalistë të partisë ”Ligj dhe Drejtësi”, ku ai është një anëtar i rëndësishëm.

Ai është bashkëpunëtor i afërt i presidentit të partisë Jaroslaw Kaczynski.

commentFirst article
Sot mund të lexoni Shfletoni kopertinat