Papa Françesku: Sovranizmi sjell luftërat - Bota Sot
Papa Françesku: Sovranizmi sjell luftërat

Evropë

Papa Françesku: Sovranizmi sjell luftërat

Më: 9 gusht 2019 Në ora: 22:46
Papa Françesku

Papa Françesku kritikoi sovranizmin duke e cilësuar si një qëndrim “i mbyllur” që çon në luftë, në një intervistë të publikuar sot në të përditshmen “La Stampa”, mes një krize politike që ka përfshirë Italinë nga lideri i ekstremit të djathtë Matteo Salvini.

“Sovranizmi është një qëndrim izolues. Jam i shqetësuar sepse dëgjohen fjalime që ngjajnë me ato të Hitlerit në vitin 1934. ’Më parë ne! Ne!… Ne, mbi të gjithë’. Këto janë mendime që të frikësojnë”, nënvizoi papa Françesku, në intervistën për të përditshmen italiane, pa përmendur politikanë apo vende në mënyrë të veçantë.

“Sovraniteti duhet mbrojtur, por duhen mbrojtur dhe duhen promovuar edhe marrëdhëniet me vendet e tjera, me Bashkimin Evropian”, shtoi ai.

“Sovranizmi është teprim, që përfundon keq. Gjithnjë! ‘Sjell me vete luftërat’. Populizmi, pastaj është mënyrë për të imponuar një sjellje, që çon pashmangshmërisht drejt sovranizmit e nuk duhet ngatërruar me ‘popolarizmin’, që është kulturë e popullit, mundësi që populli të shprehet lirisht”, theksoi papa Françesku.

Burri i hekurt i qeverisë italiane, Matteo Salvini, kreu i Legës, prishi koalicionin në pushtet në të cilin ai ishte aleat me Lëvizjen Pesë Yjet (M5S, antisistem) duke shkaktuar një krizë politike.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...