Incident ajror Rusi-NATO: Ja çfarë ndodhi mbi ujërat ndërkombëtare - Bota Sot
Incident ajror Rusi-NATO: Ja çfarë ndodhi mbi ujërat ndërkombëtare

Evropë

Incident ajror Rusi-NATO: Ja çfarë ndodhi mbi ujërat ndërkombëtare

Më: 14 gusht 2019 Në ora: 09:11
Sergei Shoigu

Ministria e Mbrojtjes së Rusisë pretendon se e ka detyruar të largohet një aeroplan F-18 të NATO-s, mbi ujërat ndërkombëtare, pasi iu afrua një aeroplani ku ndodhej ministri rus i Mbrojtjes, Sergei Shoigu.

Agjensia e lajmeve TASS, më 13 gusht, raportoi se aeroplani i Shoigut po fluturonte nga Kaliningradi për në Moskë kur ndodhi incidenti.

NATO-ja nuk i ka komentuar pretendimet ruse.

Mediat ruse patën raportuar për një incident të ngjashëm edhe në vitin 2017, mirëpo NATO-ja e pati mohuar, duke thënë se kishte gjurmuar një flotë të aeroplanëve, që nuk kishin arritur të identifikohen.

Përplasjet midis Rusisë dhe SHBA-së, janë rritur përderisa Moska kërkon të demonstrojë fuqinë e saj ushtarake.

Incidente të tilla kanë përshkallëzuar raportet mes Rusisë me Perëndimin, të cilat janë të tensionuara ashpër që nga aneksimi i Krimesë nga ana e Rusisë, dhe mbështetja e saj për separatistët në lindje të Ukrainës, si dhe ndërhyrja e saj e dyshuar në zgjedhjet e SHBA më 2016.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...