BE gati për Brexit pa marrëveshje - Bota Sot
BE gati për Brexit pa marrëveshje

Evropë

BE gati për Brexit pa marrëveshje

Më: 19 gusht 2019 Në ora: 16:23
Ilustrim

Komisioni Evropian njoftoi sot se BE është e gatshme për Brexit pa marrëveshje, duke theksuar se në rast të një skenari të tillë, Britania e Madhe do të pësonte më shumë dëme.

Zëdhënësja e KE-së, Natasha Berto tha në një konferencë të rregullt për shtyp se largimi i Britanisë pa një marrëveshje nuk ishte kurrë një skenar i dëshirueshëm për BE-në.

"Padyshim që do të shkaktonte përçarje të konsiderueshme si për qytetarët ashtu edhe për bizneset, por gjithashtu do të kishte pasoja serioze negative ekonomike," tha Berto.

Sipas saj, kjo do ta godiste më shumë Britaninë sesa 27 vendet anëtare të BE-së.

Berto citoi një deklaratë të presidentit të Komisionit Evropian, Jean-Claude Juncker se nëse Brexit arrihet pa marrëveshje, "britanikët për fat të keq do të jenë humbësit më të mëdhenj".

Në Londër, kryeministri i Britanisë së Madhe Boris Johnson u bëri thirrje Gjermanisë dhe Francës më herët të bëjnë kompromis për Brexit, duke deklaruar se vendi i tij do të ishte i gatshëm të largohej nga BE pa një marrëveshje më 31 tetor.

Më parë, një zëdhënëse e kryeministrit britanik njoftoi se Johnson do të përcjellë mesazhin e saj për Brexit në takimet e kësaj jave me presidentin e Francës Emmanuel Macron dhe kancelaren gjermane Angela Merkel.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...