Aksidentohet për vdekje zëvendësministri i Kulturës së Turqisë

Evropë

Aksidentohet për vdekje zëvendësministri i Kulturës së Turqisë

Më: 19 gusht 2019 Në ora: 20:01
Ahmet Haluk Dursun

Zëvendësministri i Kulturës dhe Turizmit të Turqisë, Ahmet Haluk Dursun, ka vdekur sot si pasojë e një aksidenti të trafikut në provincën lindore Van.

Tre persona të tjerë u lënduan si rezultat i këtij aksidenti.

Sipas mediave të huaja, Dursun ishte në provincën Mus në Turqinë lindore për të shënuar përvjetorin e betejës midis Selxhukëve dhe Perandorisë Bizantine në 1071. Ai pastaj shkoi në një lokacion historik në provincën Bitlis.

Sipas mediave, ai ishte duke u larguar nga Bitlisi kur makina e tij doli nga rruga në një zonë në provincën fqinje Van.

Presidenti Recep Tayyip Erdogan përmes një postimi në Twitter ka shprehur ngushëllime për familjen e të ndjerit.

Image
Sot mund të lexoni Shfletoni kopertinat