Erdogan dhe Putin do të takohen të martën në Moskë - Bota Sot
Erdogan dhe Putin do të takohen të martën në Moskë

Evropë

Erdogan dhe Putin do të takohen të martën në Moskë

Më: 24 gusht 2019 Në ora: 11:23
Erdogan dhe Putin

Presidenti i Turqisë, Rexhep Erdogan, ka planifikuar vizitë njëditore në Moskë me 27 gusht për një takim me presidentin rus, Vladimir Putin.

Zyra presidenciale e Erdoganit e dha të premten njoftimin për vizitën e planifikuar pasi dy presidentët zhvilluan bisedë telefonike lidhur me situatën dhe zhvillimet më të reja në pjesën veriperëndimore të Sirisë.

Raportohet se Erdogani i ka thënë përmes telefonit Putinit se sulmet e forcave të Asadit, të mbështetura nga ushtria ruse, po shkaktojnë krizë humanitare dhe se paraqesin kërcënim për sigurinë kombëtare të Turqisë.

Në anën tjetër, Kremlini tha se Putin dhe Erdogan janë pajtuar për përpjekje të përbashkëta aktive për ta lehtësuar situatën në provincën e Idlibit, ku rritja e dhunës i ka detyruar mijëra njerëz që të zhvendosen nga shtëpitë e tyre.

Turqia i ka pranuar në territorin e vet më shumë se 3.6 milionë refugjatë nga Siria që nga fillimi i konfliktit në mars të vitit 2011.

Ndryshe, Turqia dhe Rusia përkrahin grupe rivale në luftën e Sirisë. Përderisa Turqia përkrah rebelët, Rusia përkrah forcat e presidentit Asad, shkruan “Free Europe”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...