Tusk: BE-ja e gatshme të dëgjojë idetë e Boris Johnson për Brexit-in - Bota Sot
Tusk: BE-ja e gatshme të dëgjojë idetë e Boris Johnson për Brexit-in

Evropë

Tusk: BE-ja e gatshme të dëgjojë idetë e Boris Johnson për Brexit-in

Më: 24 gusht 2019 Në ora: 18:32
Donald Tusk

Presidenti i Këshillit Evropian, Donald Tusk, tha se Bashkimi Evropian ka shprehur vullnetin të dëgjojë idetë e kryeministrit britanik, Boris Johnson për Brexitin, nëse ato janë “realiste”.

Por, duke folur në një konferencë të Samitit G7, Tusk tha se nuk do të bashkëpunojë për Brexit pa marrëveshje.

Tusk dhe Johnson pritet të takohen të dielën për të diskutuar Brexitin.

Që kur mori mandatin, Johnson ka insistuar se Britania do të largohet nga BE-ja më 31 tetor.

Tusk kishte thënë se Johnson është kryeministri i tretë që i duhet ta takojë që kur Britania votoi ta dalë nga BE-ja më 2016.

“Ne jemi të gatshëm të dëgjojmë ide që janë funksionale. realiste dhe të pranueshme për të gjitha shtetet anëtare të BE-së. Shpresoj se kryeministri Johnson nuk do të mbes në histori si ‘Zotri pa marrëveshje”.

Kryeministri Johnson dëshiron të rinegociojë Irlandën, një pikë kyçe e marrëveshjes së Brexit-it që ka për qëllim të parandalojë një kufi të mundshëm në ishullin e Irlandës pas Brexit-it.

Kryeministri britanik, Boris Johnson më herët i ka thënë Bashkimit Evropian se plani për të krijuar ndalesë në kufirin irlandez, duhet të pezullohet, pasi është “i paarritshëm” dhe “jodemokratik”.

Në një letër të nisur drejt presidentit të Këshillit Evropian, Donald Tusk, Johnson ka thënë se ndalesa që synon të parandalojë krijimin e një kufiri të ashpër mes Republikës së Irlandës dhe Irlandës Veriore, rrezikon dëmtimin e procesit të paqes në atë zonë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...