Së paku pesë të vdekur nga përplasja mes helikopterit e aeroplanit në Spanjë - Bota Sot
Së paku pesë të vdekur nga përplasja mes helikopterit e aeroplanit në Spanjë

Evropë

Së paku pesë të vdekur nga përplasja mes helikopterit e aeroplanit në Spanjë

Më: 25 gusht 2019 Në ora: 16:11
Foto ilustrim

Një aksident i tmerrshëm ka ndodhur në Majorka të Spanjës, ku një helikopter është përplasur në ajër me një aeroplan të vogël. Raportohet për të paktën pesë të vdekur.

Tragjedia ndodhi rreth orës 1 sipas kohës lokale, ndërsa besohet se në mesin e viktimave është edhe një fëmijë.

Vendi ku ndodhi aksidenti është vetëm 30 minuta vozitje me veturë larg një pike të famshme turistike për turistët britanikë.

Bëhet e ditur se helikopteri dhe aeroplani janë përplasur afër një spitali. Autoritetet deri tash e kanë konfirmuar vdekjen e tre personave.

Sidoqoftë, ekziston frika se numri i njerëzve të vdekur mund të rritet pasi disa persona të tjerë janë zhdukur dhe po kërkohen nga policia.

Ende nuk dihet kombësia e personave që ndodheshin në mjetet fluturuese, por kjo zonë vizitohet shumë nga turistët dhe nuk përjashtohet mundësia që ata të jenë në mesin e viktimave, shkruan “The Sun”.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...