Qindra njerëz u evakuuan nga hotelet dhe plazhet në Greqi, si pasojë e zjarreve që kanë përfshirë këtë vend qysh në fundjavë.
Mbi 700 zjarrfikës po luftojnë me to, ndërsa situata më e keqe paraqitet në ishullin Samos.
Autoritetet atje zhvendosën rreth 1,000 turistë nga dhjetëra hotele.
Fotografitë e postuara në mediat sociale tregojnë shtëllunga tymi mbi ishull dhe njerëz që transferohen me anije.
Zjarret janë të shpeshta në Greqi, ku temperaturat shënojnë rritje të madhe gjatë muajve të thatë të verës, transmeton rel.
Kreu i mbrojtjes civile paralajmëroi për “rrezik të lartë” të shpërthimit të zjarreve në disa zona, përfshirë rajonin jugor të Peloponezit dhe Kretën.
