Merkel optimiste: Ende ka mundësi për një marrëveshje për Brexit - Bota Sot
Merkel optimiste: Ende ka mundësi për një marrëveshje për Brexit

Evropë

Merkel optimiste: Ende ka mundësi për një marrëveshje për Brexit

Më: 11 shtator 2019 Në ora: 20:04
Angela Merkel

Kancelarja gjermane, Angela Merkel theksoi sot se kishte shpresa për një marrëveshje mes Britanisë së Madhe dhe Bashkimit Evropian për Brexit, pavarësisht pasigurive për situatën politike në Londër.

Duke u ndalur tek Brexit gjatë një fjalimi në Dhomën e Ulët të Parlamentit Gjerman, Merkel u shpreh shumë e bindur se ekzistonin ende të gjitha mundësitë për të arritur aty në mënyrë të koordinuar, domethënë me një marrëveshje.

“Dhe qeveria gjermane do të angazhohet deri ditën e fundit që kjo gjë të jetë e mundur”, nënvizoi ajo gjatë debateve për buxhetin 2020 në Bundestag.

Kancelarja konservatore shtoi se Gjermani ishte gjithashtu e përgatitur në rast të një largimi të Britanisë së Madhe pa marrëveshje. Kryeministri britanik, Boris Johnson konfirmoi se do të bënte përpjekje për të arritur një marrëveshje të re divorci me Bashkimin Evropian deri në samitin e 17-18 tetorit, pas një sërë debatesh të nxehta në Dhomën e Komuneve dhe humbjes së maxhorancës që kundërshton strategjinë e tij për një Brexit me çdo kusht.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...