Ish-kryeministri britanik: S’mund të përjashtohet një referendum i dytë për Brexit-in - Bota Sot
Ish-kryeministri britanik: S’mund të përjashtohet një referendum i dytë për Brexit-in

Evropë

Ish-kryeministri britanik: S’mund të përjashtohet një referendum i dytë për Brexit-in

Më: 15 shtator 2019 Në ora: 00:32
David Cameron

Ish-kryeministri britanik, David Cameron, i cili shpalli referendumin për Brexit-in deklaroi sot gjatë një interviste se nuk do të përjashtonte mundësinë e një votimi të dytë lidhur me këtë çështje.

“Unë nuk po them se do të ndodhë ose duhet të ndodhë. Unë po them vetëm që nuk mund t’i përjashtoni gjërat tani, sepse ne duhet të gjejmë një mënyrë për të kaluar ngërçin”, deklaroi Cameron për të përdtshmen britanike “The Times”.

Ndërkohë që politika britanike është përfshirë nga mosmarrëveshjet mbi mënyrën sesi do të zbatohet referendumi i 2016, ku 52 përqind e publikut votuan për të lënë Bashkimin Europian, në javët e fundit thirrjet për një votim të dytë janë rritur.

Britania e Madhe ka vendosur të largohet nga unioni më 31 tetor, ndërsa kryeministri aktual Boris Johnson zotohet se do ta bëjë këtë edhe nëse nuk ka ndonjë marrëveshje për të rregulluar daljen e vendit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...